မြောက်ဦး၊ဇွန်၁၄-၂၀၁၉
ခိုင်လင်းစံ(VOM)
ရခိုင်ပြည်နယ်၊မြောက်ဦးမြို့နယ်ရွာဟောင်းတောကျေးရွာကကျေးရွာသားသုံးဦးတို့ဟာမနေ့ညနေပိုင်းကတပ်မတော်စစ်ကြောင်းတစ်ခုကနေ ပစ်ခတ်မှုကြောင့်ထိခိုက်ဒဏ်ရာရရှိခဲ့တာဖြစ်ပါတယ်။
“မနေ့ညနေ၃နာရီခွဲလောက်မှာဖြစ်တာပါ။ကားသုံးစီးကလေးမြို့မြစ်ဘက်ကနေလာတယ်။ရွာထဲကိုရောက်တော့ပစ်ခတ်မှုတွေဖြစ်တယ်။လက်နက်ကြီးတွေနဲ့လည်းရွာပြင်ကပစ်တယ်။ဒါကြောင့်လက်နက်ကြီးကျည်ရွာထဲကိုကျပြီးတော့ရွာသားသုံးယောက်ထိခိုက်သွားပါတယ်။ဘာကြောင့်ပစ်တယ်ဆိုတာတော့မသိဘူး။”လို့ရွာဟောင်းတောကျေးရွာသားတစ်ဦးကပြောပါတယ်။
အဲ့ဒီပစ်ခတ်မှုကြောင့်ရွာထဲမှာရပ်ထားတဲ့မြောက်ဦးမြို့ပေါ်ကမြို့ဦးခေါင်းဘုန်းတော်ကြီးရဲ့ကားကိုလည်းပစ်ခတ်ခဲ့တဲ့အတွက်ကားရဲ့နောက်မှန်တွေနဲ့အစိတ်အပိုင်းတချို့ပျက်စီးသွားတယ်လို့မြို့ဦးခေါင်းဆရာတော်ကပြောပါတယ်။
“ဦးဇင်းကပစ်ခတ်မှုမဖြစ်ခင်ကတည်းကအဲ့ဒီရွာကိုရောက်နေတာ။ရွာထဲကလဖက်ရည်ဆိုင်ရှိတဲ့အိမ်မှာဝင်ထိုင်ပြီးတော့ရွာသားတွေနဲ့စကားပြောနေတယ်။အဲ့ဒီအချိန်မှာကားတန်းကလာတယ်။နှစ်စီးကကျော်သွားပြီနောက်ဆုံးအစီးကရခိုင်လူမျိုးစစ်သားတစ်ယောက်ကကားပေါ်ကနေပစ်တယ်ပစ်တယ်ဆိုပြီးအော်ပြောတယ်။ပြီးတာနဲ့သေနတ်တွေနဲ့ပစ်တာပဲ။ဦးဇင်းတို့လည်းထွက်ပြေးကြတယ်။၁၅မိနစ်လောက်ပစ်ပြီးတော့ကားပေါ်ကဆင်းလာကြတယ်။ရွာထဲကိုလျှောက်ပြီးတော့ပစ်တယ်။ရွာရဲ့အရှေ့ဘက်နဲ့ကိုးသောင်းဘုရားရှိတဲ့ဘက်ကတော့လက်နက်ကြီးတွေနဲ့ရွာကိုကျော်ပြီးတော့ပစ်တယ်။”လို့ကိုယ်တိုင်ကြုံတွေ့ခဲ့ရတဲ့မြို့ဦးခေါင်းဆရာတော်ကပြောပါတယ်။
တပ်မတော်ဘက်ကတော့အုပ်ချုပ်ရေးလုပ်ငန်းစဉ်တွေဆောင်ရွက်နေတဲ့တပ်မတော်စစ်ကြောင်းတစ်ခုကိုရွာဟောင်းတောရွာအရှေ့ဘက်တောင်တန်းအနီးကနေပြီးတော့မိုင်းဆွဲတိုက်ခိုက်မှုတွေဖြစ်ပွားခဲ့တဲ့အတွက်အခုလိုပစ်ခတ်ခဲ့ရတာဖြစ်တယ်လို့ပြောပါတယ်။
“ရွာသားတွေထိခိုက်တာကိုတော့ဂဃနဏမသိဘူးခင်ဗျား။ကျွန်တော်တို့အုပ်ချုပ်မှုလုပ်တဲ့ယာဉ်တန်းတစ်ခုကိုဆွဲမိုင်းဆွဲပြီးတော့တိုက်ခိုက်တယ်။တိုက်ခိုက်တဲ့အတွက်ကြောင့်ရွာဟောင်းတောရယ်၊နောက်ဘက်မှာရှိတဲ့တောင်တန်းနားကနေလက်နက်ငယ်တွေနဲ့ပစ်ခတ်တယ်။လုံခြုံရေးလုပ်နေတဲ့တပ်ဖွဲ့ဝင်တွေနဲ့AA အဖွဲ့တို့ထိတွေ့တိုက်ပွဲတွေဖြစ်ပွားခဲ့တာပါ။”လို့အနောက်ပိုင်းတိုင်းစစ်ဌာနချုပ်တိုင်းဦးစီးဗိုလ်မှူးကြီးဝင်းဇော်ဦးကပြောပါတယ်။
ဒါ့အပြင်ရွာသားတွေဘက်ကတော့အဲ့ဒီကားတန်းဟာရွာထဲကိုရောက်တဲ့အချိန်မှာမှအခုလိုတိုက်ခိုက်ပစ်ခတ်မှုတွေပြုလုပ်ခဲ့တာဖြစ်တယ်လို့ပြောပါတယ်။
“မိုင်းဆွဲလားမဆွဲလားတော့မသိဘူး။ရွာအပြင်ဘက်ကတော့ပစ်ခတ်သံတစ်ခုကိုအရင်ဆုံးကြားလိုက်ရတယ်။ပြီးတော့ရွာထဲကိုရောက်နေတဲ့ကားကပစ်တာပဲ။ဖြစ်ချင်လဲဖြစ်နိုင်လိမ့်မယ်။ဦးဇင်းထင်တာကတော့သူတို့အချင်းချင်းဂွင်ဆင်ပြီးတော့လုပ်တယ်လို့ပဲယူဆတယ်။”လို့မြို့ဦးခေါင်းဆရာတော်ကပြောပါတယ်။
အဲ့ဒီပစ်ခတ်မှုကြောင့်ထိခိုက်ဒဏ်ရာရရှိခဲ့သူတွေကတော့ဦးလှထွန်းသာ၊ဦးစံထွန်းကျော်နဲ့လေးတန်းကျောင်းသားလေးတစ်ဦးတို့ဖြစ်ကြပြီးအဲ့ဒီလူတွေကိုတော့မြောက်ဦးဆေးရုံကိုပို့ဆောင်ပြီးဆေးကုသမှုတွေပြုလုပ်ထားပြီးဖြစ်တယ်လို့မြို့ဦးခေါင်းဆရာတော်ကပြောကြားခဲ့ပါတယ်။
#voiceofmyanmar #မြောက်ဦး #ပစ်ခတ်မှု #ရခိုင်ပြည်နယ်
